اقتباس من مشاركة جميل مساعد
اشكر كل القائمين على هذا الصرح العظيم ... واليكم المشاركه :
( قلب ... رشيدي )
قصايد على المنكوس جزلات وسمانـي=قصايد غرام وشـوق وأحـلام ورديـه
واذ جيت ابوصف من ذهب زين الأثماني=جمالٍ طبيعـي والشقـا عيـن بحريـه
عيـونٍ تهـز الشـوق تآمـر وتنهانـي=مثل مايهـز الغصـن بالـدوح قمريـه
وقل الربيع اللـي لـه سنيـن ماجانـي=يمـر الديـار اللـي شمـال السعوديـه
يسلم على ريميـة القلـب مـن شانـي=رشيـدي وقلبـه عاشـقٍ لـه رشيديـه
ولا يالعذول اللي علـى البعـد تحدانـي=معاليق قلبي فـي هـوى حـب ريميه
يطير الحمام اللي تعلى عـن أغصانـي=يوصـل رسايلنـا علـى العـز منقيـه
يجوب الديار وخاطـري منـه مايعانـي=وأنـا بنتظـاره يالله ترجـعـه لـيـه
أحبـه وحبـه واصـلٍ حـد الأدمانـي=بقلبـي وأقـول أن الغـلا زايـد شويـه
هواجيس فكـري والهواجيـس تنعانـي=على اللي مكانه فـي شمـال السعوديـه
شعر : جميل مساعد (غريب الشمال )
|
بيض الله وجهك قصيده وافيه ولاهنت يا جميل ومشكور وقلبك خضر