[فضي البراك]

قصيدة (صباح العيد)*

............

صباح العيد بوجيه الجماعه لا لفوا للعود !!
وسرحنا مع سوالفهم وفنجال وتبع فنجال ..

هذاك يقول : جعل العيد وافراح الليال تعود !!
وهذاك يقول : وانت بخير ومن يسمع ومنهو قال ..

** * * * * * * *@@@@@

صباح العيد من ام وكبر بيدينها مولود !!
بعد ماكانت تشيله يعايدها معاه عيال ..

من الفرحه اتغارق عينها بالدمع والمقصود !!
شعور الام لا شافت ولدها قدمها رجال ..

** * * * * * *@@@@@@*

صباح العيد بكفوف العذارى لينات العود !!
تمارت هذي بساعه وهذي بخاتم وسلسال ..

واذا مر الظبي ماكن ابد غير الظبي موجود !!
تجنبهن غصب لاجات / خجله / تبتسم / تختال ..

** * * * * * @@@@@@

صباح العيد لا جاتك رساله رقمها مفقود !!
لك شهور اتحرى شوفته في شاشة الجوال ..

وتكتب له (احبك موت ومشتاق لدفاك بزود) !!
وتــرسلها وتتأكد الــين يــتمم الارسال ..


ثامر شبيب ..*

الموضوع الأصلي: صباح العيد / جديد ثامر شبيب | | الكاتب: فضي البراك | | المصدر: شبكة بني عبس