في ملتقى اللي يحتمون الونيه=ربعي بني عجوين والراس مرفوع
الله يحييكم وثني التحيه=عند الرجال اللي لهم علم مسموع
ربع لهم بالطيب روحه وجيه=تاريخهم ماهو على النت مطبوع
تاريخهم يوم السنين العتيه=يوم الضما والبرد والفقر والجوع
شهد لهم راع الذلول وخويه=اللي ضواهم تالي الليل مقطوع
شهادةٍ من عزوةٍ وايليه=رد الثنا من بعد ماراح بسبوع
ماينجحد شيىء مضى بضحويه=ولاينهدم بيتٍ على العز مرفوع
لي حق افخر عزوتي عجونيه=وارقى سنود ورجعة الخلف ممنوع
لاقلت قولي مايعقب عليه=ولاجيت في هرجٍ ملفق ومصنوع
لاتخذ الاخبار من فربكيه=اخذ الخبر مني مثنى ومربوع
نسوقها بالطيب سوق المطيه=ولايهمنا ولوناخذ من الموت قرطوع
هذي سلوم اجدادنا الاوليه=يحيها والله من سلوم وطبوع
ماني مبالغ يارجال الحميه=هذا الصحيح وكل رجلً له سموع
ولبو معاذ اليوم حقً عليه=والمدح في هذا الرجل حق مشروع
رجلٍ سرى في ليلةٍ خرمسيه=واتعب قدم رجله على شان موضوع
حل القضيه في اختلاف القضيه=وخلى البيوت المظلمه تولع شموع
لو امدحه من صبحها للعشيه=قليل في رجلٍ جمع روس وفروع
ولاهو ردى بشيوخ عبس البقيه=اللي تصد جموع وتناطح جموع
صديقهم يرقى براس البنيه=وعدوهم يرجع من الغبن موجوع
لاتهمهم سوالفٍ سربتيه=ولايهمهم رجل الحيا من منزوع