((( ماعاد)))=
ماعاد لو جيه المعاذير معذار = يكفي مجامل ياهل الاعذار منا
لاتنبش اسراراً على واهج النار = واكشف غطا فيس الخشيم المصنا
الصمت نار وفيه مخزون الاسرار= وان ثار بوح الصمت يخبرك عنا
خل السواكن ميّته في حرا الغار= لو تنفجر تتعب وراها وتعنا
اللي حفظ وجهه عن العيب والعار= يبقى مثل حد الصقيل المحنا
ومن داكن وجيه الحيا سر وجهار= يحظى منازل مجدها ويتهنا
واللي على ساقات الاجواد سبار= ف الباطن مخادع وضحاك سنا
ماهو من اصحابي شغاميم الاخيار= اللي عن وجيه الصقايط تحنا
فايز العويمري =