تعبت الله يكون بعون هالقلب وبعوني
تعبت من الوجيه اللي تجي وترووح بسهولة
وأنا صعبة أصدق كيف خلوني وباعوني
أقول أحيان معقولة وهي ماهي بمعقولة
لاني ماقدرت الا معاهم أحسن ظنوني
أقول الجرح والزلة من الغالين مقبولة
أقبل عذرهم وأسكت وأمشيها على هوني
وأقول أخطائهم تغفر وهي بالعمد مفعولة
يلوموني على طيبة خفوقي هالناس يلوموني
ما دام ان النوايا بيض والامال مأمولة
صبرت أكثر من اللازم وقلت الا يريدوني
وهم فعلا يريدوني ولكن النفس مقتولة
وبعد ما قصروا حتى قبل فرقاهم عطوني
كم جرح على كم نظرة وكم طعنة وكم قوله
نعم مآل على حظي وبعد أستاهل جنوني
لأني طحت في بعض القلوب الغير مسؤله
تعودت أنصدم بالذات ممن هم يحبوني
وأنا ماعندي استعداد أجرب وأخسر الجولة
على كثر الوجيه اللي تمر الحين بعيوني
أحس الناس بالنسبة لي ناس مجهولة
باعيش بدونهم عاادي مثل ما عاشوا بدوني
وذي كلمة على لساني وهي بالقلب مقيولة
ما دام ان الهوى طعنة وشفت طعونك طعوني
تطمن حيل يا قلبي أنا ما عادني حوله
وما دام كثير حبوني وجت فترة وخلوني
أجل بطلت وش هو له أحب بالله وش هو له ؟؟؟؟