السلام عليكم ورحمة الله وبركاته
أعضاء شبكة بني عبس قلعة المجد والتاريخ
يسعدني أن أصافحكم بعد الغياب بقصيدة الشاعر الكبير
سهل بن نافع المهيمزي
الذي أتشرف فيه وبمدحه بدون قصور بربعي بني رشيد
ورديت عليه بقصيده لعلها تفي بحق شاعرنا وقصيدته تاج على راسي ووسام على صدري
والان أترككم مع القصيده والرد
شاعر قبيلة المهيمزات سهل بن نافع
بين النشاما ماتضيع المعاريف=قول العوارف من قديم(ن) وتالي
لو قلت يا خاتم من الكم للكيف=موجزت لك عن ما يدور ابخيالي
لعل يفدوك الخبول المجاليف=عوج الدروب اصحاب ياهم لالي
وقت السعاوي مثل شم المشاريف=وقت النوايب جال جرف(ن) هيالي
امنتفين اعراض الاجواد تنتيف=وعلى النوادر يجمعون الرذالي
كرمت عنهم يا بعيد المحاريف=لا تقول ويش الطاري اللي طرالي
على النصوص اللي بوسط المضاريف=جنك بنات اهجوس فكري هجالي
ريام لاسمك كلهن مابهن عيف=واجبك منهن والصراحه اتقالي
على مزاياك الحميده مواليف=والفكرك النير هواهن الحالي
لك دون حد امهيمزاتك مواقيف=بيضا مثل غرة سحاب الخيالي
لاجاد خلى الديره المجد به ريف=وارسل صواعيقه تهد الجبالي
نذرة عمرك ماحسبت التكاليف=وصدرك على زلات ربعك شمالي
صدقن مثل بيض النجوم المكاشيف=ثابت قدم ساقك ومشيك عدالي
ولطالب الفزعه اركابك مناكيف=لو الخطر قدامهن ماتبالي
وبعيال عمك ماسمعت السواليف=وفي ذكرهم نورت سود الليالي
ملت من اكتابتك بيض المصاحيف=ضاقن وبالاثير ضاق المجالي
الصدق في ذاتك برين من الزيف=عليك ياخاتم جوابي سوالي
على حناي(ن) مثل حد المراهيف=ابلغ شبى من مرهفات الصقالي
وقول الطريسي جالهنه على الكيف=ومدحك يابن حاضر شرف وانت خالي
بني رشيد امفرقين الموليف=يومن الا قصى يدرق بالموالي
وهنا رد خاتم حاضرالمهيمزي
يالله ياللي في يديك التصاريف=ياللي عليك أعانتي وتكالي
أنك تجملني مع اهل المواقيف=اهل الظفر ومعربين الخوالي
سوات ريف الجار ومكرم الضيف=سهل نسل نافع كريم الخصالي
بنك الكرم عن حده يجردالسيف=من يحتمي به مايجيه الخمالي
ومن صار ضده مسه الكره والحيف=وعليه ناح(ن)نايحات الغوالي
هذا سهل ماني مدبلح سواليف=وقافن عنالي فيه جاله مجالي
وتحيزبن بنات فكري معاطيف=وروضت له عوص طربهن خيالي
متوالفات لمثل شخصه مواليف=يوم ستون زان القا والقبالي
وشرعتله حدب الضلوع المهاديف=اقلط تربع ياكريم السبالي
وجهك ولاوجيه الدفوش المصاليف=وتستاهل أكبار الشحم والدلالي
والعود الازرق بعد ماقدم الكيف=وجاك الجواب اللي عليه السوالي
رمحي مع رماح من السيف لسيف=لون باعي قص طوله ريالي
عن حد ربعي ماحدتني. مصاريف=ومن كف جودك جغمتي لزلالي
ومن لافعل ماله مواقف ولاشيف =ولا أنت مثل مشمرخات الجبالي
وانا على نهجك بروس المشاريف=عن الردى لاتتصل به حبالي
وتقبلو خالص الود والتقدير