[خالد الرشيدي**]

طال الزمان و طال وقت المراسيل

و العين من فرقاج داها بلاها

ثم هل دمعي من عيوني كما السيل

وده بشوف اللي يعذب حلاها

يا نجمتي قلبي على حبج يميل

يا ويل حالي من سماج و غلاها

و يا فز قلبي لا طريتي و ثم قيل

ذيك الملاك اللي يجنن بهاها

و ذيك الهنوف اللي لها المستوي يميل

وذيك الغزال اللي بلاني هواها

انتي دوا عيني ليا ذاقت الويل

ولا جتني الذكرى اهلل و راها

فرقاج طول و همومي هماليل

و العين تبكي من خفوقن نساها

و اذوق انا المر في تالي الليل

و اقول انا عيني وش اللي دهاها


كني اشوف الحور ركب على خيل

انتي و طيفج و ظلالج معاها

للشاعر : خالد الرشيدي**

الموضوع الأصلي: طال الزمان | | الكاتب: خالد الرشيدي** | | المصدر: شبكة بني عبس