ياعيد يابن عبيد
قصيدة مهداه للاستاذ الاعلامي عيد بن عبيد
ياعيد نقطع بيد وجبال وبحور=ونعيش بالدنيا عزيزين وكبار
ماهمنا منافق ولا هرج مغرور=ولا همنا حاسد وحاقد وثرثار
واللي يروج هرجت الكذب والزور=لا يبلاش الاجواد ما صار ما صار
والعبد في دنياه مأجور مازور=في حكمه اللي عالمن غيب الأسرار
واللي بفعل الطيب له فعل مخبور=أكيد اله عند أهل الطيب مقدار
وانته وأنا دون الوطن كلنا سور=يعني وطن داخل وطن يحضن ديار
والصحبة اللي بيننا أفروع وجذور=مضمونها بلله مايهزها اعصار
وان قلت لي سرحان ما يرغب النور=من عاش بالغدرى يقولون غدار
وان وصلك الحطاب بيدينه أقشور=ترى القشور الي معه ولعت النار
وان شبها ثم أمست أقدورها أتفور=راحت أجمال اعقيل مسند ومحدار
والهرجه الي مالها أثبات وحضور=ياعيد لا تخلف بعيدين الأنظار
واسلم وسلملي على كل مسطور=ياعيد يابن عبيد يانجل الأحرار
فارس عبس وشاعر الصحراء فوزي بن مربح