لولوك لامنه شرب طيب مبسمك
استغفر الله تنغفر سيئاتك
تضحك خجل كن القصايد تقاسمك
ولا انت تدري ماتوصف حلاتك
جيتك ولاماداني مع الليل انادمك
شف نظرتي لك وانت تعرف غلاتك
لامن لمحت ايديك واطرف ملثمك
وفستانك وصفة زراير عباتك
ولا الزهور اللي نداها شهد فمك
تغار لكن ماتخالف وصاتك
بعد الفجر تضحك معاك وتبلسمك
وقبل الغياب تذكرك في صلاتك
ودي اكون بقرب عينك وألازمك
كل ماعطشت اشرب سكاكر نباتك
كل العذارى مايساوون خاتمك
كان زعلوا ولا رضوا هم فداتك