[المحامي خالد]

وهذي مشاركتي

عسى مزونن غر واطرافهن سود = وبروقهن ورعودهن يحتضنها
وادي عشيري قرة العين ياحمود = الصاحب اللي عشرتي له ضمنها
الله من قلبن ضحى اليوم ملهود = والله من عين ن سهرها زبنها
على هنوف ن دونها الدرب مسدود = وأقفت وعن عيني تقافى ضعنها
بنت الرجال اهل الكرم واهل الجود = مصيونةٍ مادنست في زمنها
الياقبلت شمس الضحى عنق وخدود = والياقفت السابق تلاعب رسنها
عبسيةٍ كل مااكبرت زينها ايزود=يسحر قلوبٍ مبطي العشق عنها
يالجنة التحكيم ماعنكم صدود = هذي علومي وخذو الزين منها

اتمنى التوفيق لي ولـــ زملائي المشاركين والتوفيق للجنه والتوفيق للقائمين على هذا المنتدى الشامخ

اخوكم المحامي خالد