ألاواوجودي وجد عود على المعكاز
ثمانين عمره دوب ياطابباكوره
حشره القصور وطول يومه على المعناز
وقام يتذكر ربعه اللي على دوره
تذكر قطين البدو يوم الدلي افراز
وممشى على رجليه مع كل مصروره
ليل عشت المغرب وطشت مع الاقواز
وريح النفل ف الارض والارض ممطوره
تنهد ومل وعاف من هالحياه وجاز
بعد ماعرض في خاطره فلم لعصوره
أنا حن قلبي حن سكس عطاه القاز
يسوقه غشيم معجبه حسن ماطوره
على اللي سحب من دم قلبي ميه برواز
خذ الاصل من قلبي وخلالي الصوره
وجودي على مارشح شفاياه يافواز
مثل رشح جربا ترشح الحاض مذعوره
ذبحها الظما هامل وفيها جرب ونحاز
وتطرد عن الما من ورا الطرش مقهوره
أنا ودي اخذ فرصه العمر ما يعتاز
وعمر الهواوي مويه وسط قاروره
تراني محجز في غرامه بدون حجاز
واخبي جروح منه ماهي بمستوره