قصيده مدح لشاعر جابر الثبيتي العتيبي في قبيلتنا العزيزة
الى قبيلة الرشايده .. احفاد العبسي ..
دون قصور في باقي القبايل ..
ولكن مثل ماقيل
( كلن يعد ماواجه )..
والعذر مقدما عن التقصير
فوالله لو كتبت فيهم معلقه ما ادركت الوفاء في حقهم .
بني عـبـس
مانـي راعـي للعلـوم الزايفـه=ولاني بشاعر على باب القصُـر
اعكس بشعري وش اللي شايفـه=من ردى او طيب في هذا العصُر
دجـت بالدنيـا دواجـه حايفـه=عاصرٍ بقعا في معصرتي عصُر
مارزانـي دواجهـا وكلايـفـه=كنها في جسـم مياسـه خصُـر
مارزانـي الا الرجـال الكايفـه=عاجزٍ احصر فضايلهـم حصُـر
يا بني عبـس البيـارق نايفـه=كـل هالعالـم لبيرقكـم بصُـر
منكـم الفريـس وجلـه خايفـه=وفيكم المضهود يلقا لـه نصُـر
الخـوي معكـم لقـى مصايفـه=صرتوا ابردله من ظلال العصُر
لآ صدر عن مورد لـه عايفـه=صرتوا اعذب له من النيل بمصُر
ماقصرتوا عنـه وانتـم طايفـه=ماقصرتوا غير في جمع وقصُـر
ياخويهم لـك نصيحـه ضايفـه=صُر رفقتهم نصيحه صُر صُـر
والله ان ابياتـي فيكـم هايـفـه=يالرشايدة يااوفيـا هـذا العصُـر
والعذر يتكرر عن التقصير .
آخر تعديل بواسطة عادل العويمري ، 14-03-2009 الساعة 10:29 PM.
| توقيع مرضي العويمري |
|
|