لواهني من يرقد الليل مرتاح
مالاعه اللي لاعني واونس الهم
ولاسهرت عيونه الى فج الاصباح
ولاعمره بدنياه يومن تندم
ماهو بمثلي عايشن هم وجراح
وقلبه عليه مرودم الهم خيم
كن الحشا وسطخناجير ورماح
يلطمني الهاجوس يوم اتكلم
ولافيه ساعه خاطري كان منساح
ان رحت والاجيت ضايق ومكتم
قلبي غدا مني على خف وجناح
لولا ضلوعي يلزمنه تحطم
عليك يالطف الحشا ظبي الابراح
اسقيتني كاس الهوى مشرب السم
يابو نهودن كنها طلع تفاح
ارحم محبك كان لك قلب يرحم
يامن عليك الدمع من ناظري فاح
خليت قلبي وسطه النار تشعم