[صقيع الشتاء]

ابداع الحروف لايتوقف على حالة
عند شاعرنا المميز

عادل الذيابي

بل يكون مداه ابعد
واكثر رونقا
يسمو بالمفردة شعرا ومشاعر
فتأتي قصائدة مكللة بالتميز والتفرد

[poem="font="Arial,5,black,normal,normal" bkcolor="transparent" bkimage="" border="double,4,black" type=0 line=0 align=center use=sp num="0,black""]
عبث جيت ارسم اسوار المدينة في زمان حسين = بقايا من ملامح ورث جدانك وجداني
تعبت ارسم متاهات السنين بدفتر التمرين = وعجزت انفض مساحات الغبار بدقة الواني
فرضت اقرب خرافات اليقين بذمة التخمين = وعرضت ابعد حدودالمستحيل بعين وجداني
هنا كان المكان اجمل وارق من المكان الحين = هنا كان الجمال اطلال هانت والزمن فاني
هنا كان القطار اكبر معالم عظمة التكوين = وهناك آيه من الذكر الحكيم برسم عثماني
هنا ماضي حضارات بدوي تعكس شموخ سنين = ثقافة بدو يحكمها ضمير العرف العاني
وهنا .. آه وهنا .. آه .. وهنا ..آآآهين = وهنا...ياهي... هنا عيت تروح ولاتعداني
طريق الجامعات اللي لغير المسلمين يمين= وانا ماني يهودي وانت مسلم مانت نصراني
غفا وجه الحقيقة وانقسم وجه الزمن وجهين = وصحا وجه السواد وسود الله وجهت الثاني
ويمر الليل شاعر والمدينة كلها غاوين = وانا اكتب للشوارع عن شتات العمر واحزاني
وانا ماهو خطاي اني فقدت بعالم الصاحين = ولكن الخطا كله على اللي جاء وصحاني
[/poem]

//
شعـــــــر

عادل الذيابي

الموضوع الأصلي: يعــرف من ان يبدأ الشعر // عـــــــادل الذيــــابي // | | الكاتب: صقيع الشتاء | | المصدر: شبكة بني عبس