بيت الشاعر/ مبارك مسعود الرشيدي من دولة السودان
عز الله انا نكرم الضيف والجار = ونبيع الانفس دون ستر العواني
الاشقر
يا مرحبا واعداد ماهلت امطـار=اقولهـا والعمـر زايـل وفانـي
اليا بغيت المرجله وخطف الانوار=احفظ كتاب الله وكـب الاغانـي
المحيط الهادي
بحلال عبس متعبت قب الامهـار=فيك البقا وأنته بحسبت أخوانـي
يالاشقر الياحصلت للخيل مضمار=أنا المحيط وفوق صهوة حصاني
الاشقر
جانا خبر معروض واضح بالاخبار=هز الخير جميع قاصـي ودانـي
الي يبا الجنه ويباعـد عـن النـار=يترك علـوم المعلنـه والطمانـي
المحيط الهادي
اللي عيونه زغر ويدينه أقصـار=يبقى ضعيف ولايزعزع كيانـي
حنا سلايل عبس وافين الاشبـار=عندي على علوم الحقايق ضماني
الاشقر
لا شك ان الوقـت مايـل ودوار=حتى الليالـي نعتبرهـا ثوانـي
ان كان ما غرتم على سيد الابرار=ضاعت علوم المرجله بالزمانـي
المحيط
الناس حطو لك على الدرب رادار=وأن كان الاشقر مالقيتـه لقانـي
الجار له شيمه وقيمـه ومقـدار=أحشمه من زلـة يـدي ولسانـي
الاشقر
سنه محمد ترفعك عز ووقـار=هذا الكلام الي يزلزل مبانـي
من سنته سبعه من ايمين ويسار=في سنته بحر الحكم والمعاني
المحيط الهادي
اللي يعبد الله ماهو عبد دينار=يالله من نزغة بليس تحماني
حنا تربينا على حلو الاذكار=بديار عبس مقلطين السماني
الاشقر
في طاعته ترتاح من هم الافكار=وتفوز في رحمة وسيع الجناني
ونعم وخلك من اهل الدين والكار=حتى تعيش بخير يـا مودمانـي
المحيط الهادي
الحمد لله ما حجب عقلي غبار=وقرا آية الكرسي وسبع المثاني
واليا تذكرنا هل الكهف والغار=نرفع يدينـا بالخفـا والبيانـي