بسم الله الرحمن الرحيم
السلام عليكم ورحمة الله وبركاته
هذه المحاروة بين الشاعر منصور بن صبح والشاعر (الشاعر)
منصور
سلام الله سلامٍ مختلف نهجه ومنطوقه=سلامٍ يرضي العراف وهل الصنف عرافي
قلوب الناس تال الوقت مغتاضه ومحروقه=سبب علمٍ صدر من محكمة تشتيت الاطرافي
الشاعر
هلا يامرحبا بالصاحب اللي جاب طاروقـه=عدد وبل الخيال اللي يصب الوبل وكافي
مافي ربعك قصور وعيب مير الناس مرزوقه=لكن دوبك بدربك وانتبه قدام وخلافي
منصور
يدوم الك البقـا والله لـه الحكمـه بمخلوقـه=يحول الضلع دون السهل عد الضلع ياالوافي
ترى خطوات بعض الناس من عامين مسبوقه=تشوف الجو صافي مير بكره يسفي السافي
الشاعر
سهيل اسهيل يبقى اسهيل محدن صايرن فوقه=لون الضلع شامخ بس نور اسهيـل كشافـي
ترا نبتن على شاط الفرات امدلي اعروقـه=ماوالله يندثر لو صار له حاصـد وجرافـي
منصور
ترى كان الدعاوي ربح كلٍ ضامنٍ سوقه=وانا رجال اميز وين محرافك ومحرافي
علامك تلبس ثيابً من الايام مشقوقه=وتذهب عند بيت الله ولو منته بطوافي
الشاعر
عطوك اهل المعرفه يوم فالح صك صندوقه=وتنطحت الشمال ابليلتن ماعندك الحافي
لك الله مايقود القوم ابو لحيان محلوقه=يقود القوم رجلٍ يحتزم في علمه الخافي
منصور
انا منصور بن صبحي وعرف الشعر وطروقه=ياراع الحيله اللي مالها وجهه ومعطافي
اظنك ماتعرف السم لاكن جرب الذوقه=ترى كل الرجال اهل الوفاء تشهد بميقافي
الشاعر
عسى وبل الخيال اللي يزيح الليـل ببروقـه=يسيل يابن صبح اديار خلي زين الاوصافي
والا انت اللي تحت ضل العنب ويعاين اعذوقه=وتفل تفله يوم انه يابن صبحي شاف معافي
منصور
تجبر واحدً نطاح خلق الله وانا عوقه=يجيب العلم بين ماضفاه المشلح الضافي
انا حسبك تجيب العلم وثرك راعي البوقه=لاكن اصرف ذهب واترك علومن نورها طافي