يطول الصمت بعيون الكلام وتكشف الاسرار=دموع البعد والفرقى على اللي غاب عن عيني
ويفوح الشوق في صدر الهموم ولاعليه غبار=غرام(ن) يسكن بصدري ويجري مع شراييني
والا ياهاجس الذكرى وش اللي صار وش ماصار=اشوفك بعد ماطول غيابه جيت ناويني
صحيح ان الزمن قاسي صحيح ان الفلك دوار=وصحيح ان شوقي لشوفه مع الايام يكويني
ولكن صابره نفسي وبركان الصبر ماثار=ولاباقن معي عقبه سوا شعرن يواسيني
على درب الحزن سقت القدم لو طول المشوار=مشيت بدربه المظلم ولادري لومشى فيني
هلا ياطاري الحب القديم ان جابك التذكار=هلابك عد ماتنبت من الزهر البساتيني
هلابك عد ماقام الرشيدي ثم شب النار=هلابك عد ماهلت دموع اهل المساجيني
هلابك عد مالاحت بروق الوسم بالامطار=هلابك عد ماطاريك بالفرقى يسليني
هلابك عد مالمسلم يصوم ويذكر الاذكار=هلابك عد ماشعري ورى الجزله يعنيني
هلابك يادوى جروحي هلابك ياشموع الدار=هلابك عد ماطالت لفعل الجزله يميني
هلابك حي هالطاري واردد هالكلام امرار=ومكانك في صميم القلب لامن طحت من عيني
