(
)
0
0
الفرح ساعه
والحزن دوم موجود
والعرب قالوا
ان الجود من الموجود
ولا طعني الشوك
ذكرت ورد ملأ عيني قبل يملا يديني
ولا ضاقت فيني الوسيعه
تذكرت ضحكت من يحبوني
وعود خط حزنه على الثرى مذكور
لكن مصير الهبايب تهب وتمسح كتابه
والظلام اللي لمحت هيبته وغطاني
مصيره يجيه النور والنور قرآني
والحب اللي وهبنيه ربي
شتاء لكن هبته غربي
والغربي يدفيني في شتاه
والربيع اللي تباشر به العربان
مادروا غيرهم من العربان شاكين
ناس توجد على سيل السحاب
وناس غرقها من ذاك السحاب
لا خايلت برق
ادع ربك ياعسى خير
والعرب قالت
لا تامن السيل
وانا خايلت عيني نجمة سهيل
العمر مره
ما بالعمر مرات
ولا شفت الفرح مقبل
فزله ترا الضيق جهز عباته
ولا حضر الضيق
مدله فنجالك وخله يكيف على صبرك
ترا الصبر دله لكن اكثر الناس دلته صايده
وعطه الثلاث ايام
اصبر
ماطلب غير واجب ظيافه
وسلم امرك للي قسم قدرك
واصبر
بتشوف الضيق مل
ولهلم عباته على كتافه
وقام ورحل
وقتها
اطرب القلب ومدله فنجاله
يستاهل اللي صبر على مر غرباله
والتفت لا
لا تكون الاناني
التفت للي غدو حولك
امس واليوم حولك
وبكره تعرف من هو الـ حولك
حكمه وانت اللي تسويها
من قلب ذاق حلى الدنيا ومرها
وقتها
ارفع يدينك للسماء
وادع لي تطيب جروح هاك المساء