[أنكسارحلم]

اقتباس من مشاركة خاتم الرشيدي ايها الاحبه السلام عليكم ورحمة الله وبركاته اقدم لكم هذه القصيده الذي جادة بها قريحتي اثنا ذهابي الى الصمان لزيارة الشيخ مبارك الدويله قمت انا والمدير العام سعد الرشيد والشاعر سويلم مناحي والشاعر عبدلله بن سكات ومعنى اثنين لاتذكر اسمائهم بالصعود الى جبل صغير حول المخيم فهاضة قريحتي بهذه الابيات واتمنى ان تحوز على رضاكم عديت بالي يبرح المختفي برح=رجم(ن)زما عن طامنات الرجومي في ديرت(ن)ماينبت الطلح والسرح=وفي جوها ماشيف نسرً يحومي وقمت التذكرعزوتً تدبس المرح=ربعاًعلى العليا حرارًأقرومي بني رشيد الي بنو بالكرم صرح=هم عزوتي لامن تردت أعزومي ونهاية الموجز ولاطول الشرح=عن مفرق أمشله مغيب النجومي قعدت أقلب ناتج الضرب والطرح=والناتج المطلوب شبه أمعدومي وسلامتكم وتقبلو خالص الود والتقدير

حاضر بحاضر يابن حاضر استلم المجاراه من اخوك ابو خالد

عديت رجم ٍشوفته تبري الجرح=متبينن عن السهل والحزومي
وقعدت في راسه بعد مدت السرح=قطعان بدو ٍلاهبتها السمومي
واسمع صهيل خيولهم واسمع الضرح =وشوفها مثل سراب الحلومي
يارجم ياللي تجمع الحزن والفرح=اسمع وانا بعطيك تالي علومي
انا بدار اللي عسى مالهم ذرح=ماتقضي الحاجات وقت الزومي

والسلام