هلابك وين ما يشرق نظرك الناعم القتال=هلابك وانثنى غصن الزمان وطار باسرابه
عذاريبك قليلة يا حبيبي كايد العذال=ولكنك بقلب من سكنته حارسك بابه
عيونٍ شافتك عن قرب قرب يهمها تختال=على بعض العيون وكل طير يحب مرقابه
انا اللي سلمك قلبه دلو عشق وغلاك الجال=وتليته بحبل من جفاك وضاق بأسبابه
يا الطف من طيوفك في عيونٍ للسهر مدهال=لجني خايفات وكل طيف احلى من ثيابه
احبك كثر ما ينسى زمانه مستريح البال=واحبك كثر ما قلب المسافر حنّ لترابه