عمالقة الشعر يستهلونه في هذه المساجله الرائعه
ويعتبرونه تغيير جو في عالم الابداع
تحياتي لهم والا ابداعهم
الشاعر الكبير ناصر خنيفر
قال الذي يشفق على زين الامثال = جزل المثايل ياسمعها تشوقه
ومن التجارب عاصر اجيال وجيال = مافيه سوق الا دخل وسط سوقه
عرفت بالدنيا خبيثين الاعمال= وعرفت من ياخذويعطي حقوقه
وعرفت من يمدح وهو رجل دجال= لاغبت بالنمه يلوي شدوقه
وعرفت من حبك على حفنت المال= ظالم ويجحد كل شين يذوقه
وعرفت منهو للقشر تقل دلال= ازمالتن لبليس دايم يسوقه
وعرفت من كال المراجل بمكيال= ماعاق ابن عمه بشين يعوقه
لكن قلال اليوم ياساتر الحال= اثنين بالميه عدد ماتفوقه
ومن بعد هذا عبر موجات الارسال= ارسالتن مصدره مطلع شروقه
يم ابو لطمه وصل العلم بالحال= الشاعر اللي شوقتني طروقه
قله يقول معرب الجد والخال= ارتاح قلبك لاتزايد حروقه
العلم جانا عبر وديان وجبال= وعبر السحاب الي تمزع فتوقه
انكان مالك عند ذولاك منزال= الحر يامن جزع يقطع سبوقه
اشلع لاترض النفس مع درب اللاذلال= ماهي بوجهك كل الارض مغلوقه
ماجاك جاني والقمر عود هلال= اقرب قريب خيولهم لي لحوقه
دمحت الاولى قطع للقيل والقال= ولدت بالاخرى شي ماحدن يطوقه
ولجل الرجال الطيبه تحشم حثال= وشجره ماتظلل يقطع الله عروقه
واسلم وانا وياك بيات الاحوال= والله يوفقنا على احسن وفوقه
والشاعر لبو لطمه مايسمى بالجحش
يامرحبا و عداد ماهل همال=وعد السحاب اللي تكاشف بروقه
وعداد ماواد القهدربّع وسال=وعدادعبسيٍّ به اوده لنوقه
بالصاحب اللي صحبته تشرح البال=الوافي اللي صاحبه مايبوقه
ناصرخنيفرمن رياجيلٍ ابطال= ميقافهم كايدوصعبٍ لحوقه
البارحه موج البحريصفق الجال= وللول والمرجان باسفل عموقه
ونزلت له مع غبة البحرمنزال=والجؤمضلم والهبائب صفوقه
وأقبلت ماليلي من اللولؤ شوال= اللول والمرجان والدرفوقه
لعيون ابوتركي ذرى كل من قال = ناصيك يوم البيت ما لت شنوقه
والا الردي ماله مع الطيب مدخال= ماغيريتدرق وتكثردروقه
ولا ابوتركي لأ ثقل الحمل شيّال= الله يسمّح طرقته لايعوقه
ياناصرالعالم بها الوان وأشكال= ماكل رجلٍ مايشوقك يشوقه
بعض الرجال يجيك في سمح الاقبال = وأن جيت يمّه يختلف في نطوقه
وبعض العرب سلمه مثل سلم الاطفال =ان مالقى 0 دمّه وقف في عروقه
يخالف اهل الراي في كل مايقال= من شان يبرزبين برقى وروقه
مسموم فكراعمى بصيره وبطّال=ابويمينٍ مثل يمنى السروقه
اعاذنا الله من حيل كل محتال= اللي بوقت الجد رجله سبوقه
واليوم ضلّ البوق ضافي وميال=تلقى رع البوق يتفاخرابوقه
ومن لايقود الخيل شفناه خيال= حتى الحصان يصوّر العصرفوقه
دنيا توريك المصائب ولاهوال =وماقل دل وزبدة الهرج ذوقه
واليوم انا وياك في كل الاحوال =نفسي ونفسك بالطواري صدوقه
نبعد عن اللي فالزمن مالهم فال= اطوال الا لسن ( والدقون محلوقه )
والله يا بوتركي قصيدتك جزله وبيض الله وجهك على تشريفك لي بها وسمح لي على القصور
والشاعر مفلح بن سويلم الرشيدي
مساكم الله بالخير الحقيقه مساجله جميله 0 وهاضة هواجسي واسمحلي اخي ابو تركي
على مجارات هذي القصيده في هذي الابيات المتواضعه
سر ياقلم واكتب جزيلات الاقوال = من هاجسً جزل الكلام امعشوقه
من شاعرآ يطرب الياسمع هوبال=مايتقي وان هجرس الفكر فوقه
كد حطله في معجم الشعر سربال= ويفهم لغاتً بالحلوق مخنوقه
ياقف على وضح النقا حد ما طال=على الشوامخ بيناتً طروقه
ما يدور الحيلات من شان يحتال= ولايمد من بين النشاما اشدوقه
ولايتخذطرق الوقاحه والا رذال=ولاعمر وخذت بالمراجل حقوقه
وناصر خنيفر قال من عرض من قال=غنا وهاضني هواجس اخفوقه
وقال الرجال اشكال وانواع واحثال=قلت الله الله و السباع امعزوقه
صحيح هرج الذم من خبث الافعال=وهدم النصيب وكلمة الزوربوقه
بعض الرجال يصيرللحق مدخال= وبعض الرجال يوهقنك هلوقه
وبعض الرجال يصير للهرج طبال= يربط ذنب طوقان في ذيل طوقه
وبعض الرجال يعيش في درق واخبال= وقت الشدايد ما يحصل مطوقه
لعل رجلآ لسواليف نقال= يذوق له من توقت العقل توقه
مفلح بن سويلم الرشيدي
والشاعر عبدالباري عبدالعزيز
أيها الأخوة هذه مجاراتي لبو تركي ، والمعذرة على القصور
لابارك الله ياابو تركي بالأنذال= بيتٍ يطبونه تهاوى فتوقه
ملهم ولد عمٍ ولالهم ولد خال=أقرب قريب يعيفونه حقوقه
أكبرمثال ألهم ودقق بالأمثال= اللي فزع بالظلم بابرق خنوقه
فزعة غبا والناس رجلي وخيال= لاجل يقول حنيف روحه خلوقه
ماأخذ أحساب أرماح وسيوف الأبطال= لينٍ رأسه فتحوله فلوقه
يركض وراء العايل ولاشاف من عال= مثل السلوقي لنثروله غبوقه
أنا أشهد إنه طاح باشباك الأشبال= الله رمابك ياليدين السروقه
مدخال مابعده ولاصار مدخال= عمر الثعل يدخل والأشبال فوقه؟
لانعبد الدرهم ولانعبد ريال= صفحة شيمنا ياابو تركي شروقه
إن قابلك بالدرب من دون مرسال= ترا يبا المولى يزين اوفوقه
الخد ميدانٍ وهن قرح احيال= عوق العديم إذا نوانا نعوقه
قدام في بركان وخلاف زلزال= وأرضٍ تحت رجليه سوداء محروقه
وين انت رايح وين ياطيب الفال = هجرك وش اللي كلفك في لحوقه
ياالله دخيلك عن خزى سؤ الأعمال= لردف خيالي والهبايب تسوقه
من لايقدرماعتبرناه رجال= ناطى على خده ونلوي سبوقه
لأن الهوا ماهزت أهضاب وجبال= لوم الليالي للهبوب الصفوقه
وهدف الجفون تناظر برأس ماطال= وتضرب هماليل المزون الحقوقه
وأيبدل الله حال من حال لاحال= والموت والله كل الأنفس تذوقه