اقدم لكم من اجمل القصائد التي قرأت اتمني ان تنال علي حسن اذواقكم.... تدري وش اللي يتعب البنت يسعود
!رجلٍ يخون اشواقهـا و المـودة
إللي إلا احتاج الغلا صار نمـرود
وإلى شبع ممـا عطـاه إستـرده
البنت ريحانة غلا ..ناعمة عـود
تبي لها رجلٍ ورث طيـب جـده
رجلٍ فعولة كلها جود فـي جـود
ما يلتفت للي كفوفـه تمـده ..!
رجلٍ إلا جتـه الليالـي بمنقـود
يتكى لها ما بيـح الوقـت سـده
مهوب خبلٍ ما رعى للهوى عهود
وادناة ما عارض طريقـه يـرده
ولاهوب لاعلة ..ولاهوب ملهـود
ولا شكوك ..و كلٍ طـارئٍ يحـده
ما اشين من الرجال لا جاك ببرود
وإن قال له ترف القدم شي صـده
تبي لها براق طيـبٍ لـه رعـود
إن اجدبت يمطر على ريف خـده
وإن نادته تكفى لقت عنده الفـود
يشيل عزتهـا علـى قـو زنـده
كفه نفل ..وانفاس صدره لها عود
وظلالـه الضافـي بيدهـا تمـده
البنت خد ..وقد ..ونواظرٍ سـود
وريحة غلاً ..ياسعد من شم نـده
البنت إلا ضحكت ثمرها لك ورود
يا سعد من يقطف نواويـر وردة
واللي يهين البنت ناقص ..ومقرود
فرس غلا..ماهي حمـارة مكـدة