[الاجهر]

انت الذي لك بالمراجل مواقيف =صداقتك طول الزمن تاج راسي
صداقتك ماهي مخادع وتزييف =على الشرف والطيب ساسك وساسي
يابن الرجال مفرقين المواليف= تروس في يوم القاء ماتراسي
الي بيوم المعركه ترفع السيف =افعالهم مثل الجبال الرواسي
ويضا تقدر واجب الجار والضيف= ناسا تماشي بالشرف كل ناسي
سطر لها التاريخ علما وتشريف =ماهو كلام الضعف ولانتكاسي
وصداقتك ماهي بجمع السواليف =ولاهي صداقات القلوب النجاسي
الي صداقتهم مثل بارق الصيف= يصادقك باليل وصبح ناسي
والياطلبته شي صرفك تصريف= واليا بغاك يصير فضه وماسي
والانت ذخري بالسنين الشواحيف= وانت عضيدي كل مالان باسي
واليا حصل لي في زماني صواديف =انصاك لاجاء بالزمان فتراسي
ياذيب دايم منزلك بالمشاريف= ولا الخرابه منزلن للبساسي
هذي بيوتا عنك موجز وتعريف =ياعز صدقاني وياتاج راسي

	وصلتني هذه الرساله عبر الجوال من شخص غالي وحبيت اعرضها لكم حيث انكم غالين ايضاً

الموضوع الأصلي: انت الذي لك بالمراجل مواقيف | | الكاتب: الاجهر | | المصدر: شبكة بني عبس