[فيصل المظيبرى]

[POEM="font="Simplified Arabic,5,darkblue,bold,normal" bkcolor="transparent" bkimage="images/backgrounds/19.gif" border="none,10,gray" type=2 line=0 align=center use=ex num="0,black""]ياعين حر ٍ شلع قدام طاروح=حاول يصيده وفكته السلامه
زرق له اللى معه ماوده يروح=من القطا زوج والثالث حمامه
واقفى يتل النظر والقلب والروح=متنكر ٍحال من دونه عسامه
نادر ولا هل الولع بالطيب ممدوح=وافى وصدره عريض وطول قامه
ابيض مسرول بياضه كنه الضوح=برق ٍتكاشف على صدرالغمامه
حر ٍنداوى على فرقاه مجروح=جرح اطرق الرمش لحرمنى منامه
قبله طرحت الكثير وعلق اللوح=ولا تكسبت ربحه من عمامه
لاشك مثله يصير امال وطموح=ويفرض على النفس حبه واحترامه
افخت صيدك وصرت اليوم مطروح=واشتاقك السبق ياسيد مقامه
واليوم ياطير دونك ليل وسفوح=وهواجس البعد وشعور الندامه
من عقب فرقاك مالصيد مصلوح=ولا عاد للبيد ضحكه وابتسامه
يابعد ممساك عنى يامدى البوح=وياقرب حلم ٍيجيك فى منامه
اشغلتنى معك كلك وين مااروح=واشغلت فيك المولع واهتمامه
واحرجتنى يابعيد الطلع والشوح=وحملتنى من بعض ربعى ملامه
تدرى وش اكبر خطا ماهومسموح=لا صرت عاقل وخمتك الغشامه[/POEM]

الموضوع الأصلي: مدى البوح زعل الرشيدى | | الكاتب: فيصل المظيبرى | | المصدر: شبكة بني عبس