أبسأل العشاق من ذاك الزمن بعرضه وطوله
أببدى بقيس وليلى وعبله وعنتر سيد الرجوله
أبتعلم الحب وأحاول أبتكر أسمى وأعظم
وأحلى حب غير هاللي بهالزمن زمن الطفوله
أبتعلم لأجل أبني سعادتنا ونكسر
قواعد هالفراق الصعب ونقول وشوله ؟
وشوله الواحد يفارق خويه ويتألم
ويذرف دموع الفراق المر ويسهر ليالٍ طويله
أبعرف كيف أمسح دمعة خوي وأداوي
جرحه بجرحي وأخفف عنه الحموله الثقيله
أسامحه ويسامحني أقول آسف يقول
ماعليه وأكررها وينتفخ راسه لرجوله
أبنسى كل غلطاته وإهاناته
وتعذيبه وجرحه لي وزُعوله
ومهما صار أظل وافي ولا أتركه
ولا أخونه ولا بأنساه ولا أخليه بسهوله
تعب قلبي كثر ماحب وعشق هالحب
إلا إنه يغلط وكل غلطاته مسؤوله
يعاف الحب وثم يودع المحبوب ولا يسأل
إلين تناديله العشره وتذكره بفعوله
يبي يرجع بس خايف إنه يتردد وهو
من عادته لاقال تم تم ولا شيء يكسر بقوله
أبتعلم الحب لأجل أعرف شنو
الصح وشنو الغلط المفروض يصير بهالحاله
وأبي أعرف دروب الحب وأخباره وقصص
أصحابه واتذكر صاحبي وأحواله
وأقول بصوت عالي يتردد صداه فوق
هام السحب وأطالعه من عالي جباله
أبوعدك ياصاحبي أبتعلم الحب من أجله
وبأصلح غلطتي فيه وأرسل له هالرساله
الحب أعظم وأسمى إنه يكون لعبه
في يد أمثالي وأمثالك من أصحاب الجهاله
ولازم يكون له صوره نكونها أنا وانت
ويقول الكل هذا حب صنعه روحين حماله
حمالة خطاويها على كفوف العتاب والعذر
والصدق وترسم دروب ماهي دروب ميالـــــه
...
"كتبت هذه القصيده ... قرينة:52: الأمل"