ممنوع غيرك يدخل القلب ممنوع
أنت الوحيد اللي مصرّح دخوله
قلبٍ على حبّك من سنين مطبوع
أنته غلاه اللي سكنه بسهوله
أهواك عشق وخافقي منك مسموع
لبّيــــه باللــــي ياحيـــاتي تقــــوله
لاغبـــت عنّي هلّت العين بدموع
وأنوح من شوق العيون الخجولة
أشّر وآمر وأنا لك سمعٍ وطوع
يحلى زماني ياضماه وسيوله
هذا حبيبك جاك لاغصب وخضوع
لكنّ حبّك حلّ عرضه وطوله
إلين صرت بدنيته حق مشروع
غاية هناه تكون جنبه وحوله
ماله في غيرك ياهوى البال مطموع
إلا أنت حبّك اللي سمحت بدخوله
اتمنى ان تنال اعجابكم ..