[شاعر الوطن]

الحر النداوي

الليل ياشاعر وطنا سرها والقاف طاب=نبغا سهوم الموت مابين الدقنوالحنجره
راحت حرار الضلع في وسط الهدا مثلالغراب=معاد باقي للرجال امن الهدا كبر شعره



شاعر الوطن

الوقت هذا صبح ماهو ليل يا طـارد سـراب=وسيوفنا من حاشته يدخـل بوسـط المقبـره
بعض البشر يرقص ويدبك كل ما غنى حجاب=ولو قلت له هات الجواهر مايجيب الجوهـره

الحر النداوي

راح الشجاع اللي نعده فالوغا شلفا ذياب=مدري غدابالقاهره ولاغدا وسط امغره
وبعض العرب في مشلحه وشيش حيه صوت داب=ويقول طيب والعلوم اللي تبون مدبره

شاعر الوطن

قال الشجاع وما فعل واليوم ابا اسوي انقلاب=توقف معي ولا معـه قلـي قـدام المجـزره
الداب هذا ماله الا شاعر (ن) مثلـي عـذاب=يا كم مره اسدحه وشق وجهه ومنخره

الحر النداوي

شاعر وطنا سل سيفه قدم عطبات الحراب=خلك علىموترك لوشكله يجيب المصخره
الصيده الحيهلقطها الحر من دون العقاب=مرتاح راسي من هموم المجزرهوالشوشره

شاعر الوطن

انته تـدور للبنـا ولا تـدور للخـراب=يا شاعر(ن) شعره خبال وكله قوله بربره
يقول عيد انه لقاله اعلاج يبـري للكتئـاب=رح يم عيد ويمكن اعلاجه يجي فيه اثمره

الحر النداوي

أركبتنا ياصاحبي فالمنتدى عوص الركاب=ترثع وتبرك لو حملك مثل حملالحمره
ترى الرسن قضبت يديه لاسوال ولا جواب=وليا صدر علمن عرفنا كاتبه من مصدره




شاعر الوطن

الله يغش الجاهل الي لا طعـام ولا شـراب=ودي احط العفش فوقه وينقله فوق اظهـره
جيتك كما لاهوب ياثلج (ن) من الاهوب ذاب=واهل الوجيه المظلمه ماهي سوات المسفره

الحر النداوي

ترى القلم ياصاحبي لاخط من فوق الكتاب=معاد نبغالك عذر دور وجيهالمعذره
هندابك أقشر لا فتلت البيت تقبعفالجراب=أصبر على هذب الجحش لينن تثبت في نحره



شاعر الوطن

انته ترا كلك عتاب ولا يجي صوبك عتاب=ما ودي اني اوصفك في وصف زايـد منكـره
الفاضي الي ما متلى بطنه يبـا يشبـع تـراب=اسـد حلقـه بالتـراب ان كـان زاد الثرثـره

الموضوع الأصلي: شاعر الوطن والحر النداوي | | الكاتب: شاعر الوطن | | المصدر: شبكة بني عبس