ربعـي هـل الطـولات
قـال الشاعـر بليعـيس ناصر بن سعـيده الرشيدي هذه القصيده
--------------------------
ي
الله ياللـي قاهـرن كـل جبـار=وسامع دبيب النمل ليلـة دجاهـا
انت الكريم وعالمن كـل ماصـار=من مبتدى الدنيـا الـى منتهاهـا
يافارجن شدة هل الكهـف والغـار=ورفعت عنهم ما ثقل من حصاهـا
وفرجت للسقـا وهوكـان محتـار=وودعت مافي قربته غيـر ماهـا
وفلقت عن موسى غميقات الابحار=وخسفت في فرعون زمرت طغاهـا
ورزقت حجرف يوم خلي على الدار=في ذود مصلاحن نصته بعصاهـا
واحملت مريم وهي مامسها ابشار=ورزقتها بعيسى من اكرم ضناهـا
يالله يامنجي محمـد مـن النـار=حيثك سميـع لدعوتـه لادعاهـا
تفرج لقلبن فيـه دقـات الافكـار=بالسباب غطروفن كوانـي هواهـا
ولايخلص الديان كثـرات الاعـذار=ولايسقي العطشان ظحظاح ماهـا
والله على من قدم قصاف الاعمـار=مـن حصلـه ياعيـد ولا نساهـا
بنت الرجال اهل الشرف واهل الكار=اللي علـى البـده قليلـن غثاهـا
ربعي هل الطولات وافين الاشبـار=اللابـه اللـي ماتشـح بعطـاهـا
اللي تعز الضيف ياعيـد والجـار=وكـم هئـةٍٍ فيهـا تدمرعـداهـا
بني رشيد مدللت شقـح الاوبـار=قبيلـةٍ تحجـي ويـذري ذراهــا
المرجع --- مختارات من الشعـر في قبيلة بني رشيد
نجا الرشيدي