اهلا هلا ياناعم الخدين والرمش الكحيل=اقبل ترا عوج الضلوع مشرعات ابوابها
اسكن بقلبٍ مايدور عنك بالدنيا بديل=وافتح ملفات الغلا واقرابها واقرابها
تلقى قصيدي فيك سويته من الوزن الثقيل=جزل القصايد لجل عينك طمنت بارقابها
والشعر مايحلا بغيرك يالغضي والله وكيل=فيض المشاعر قدم بابك نوخن اركابها
اليا نظمت الشعر يزبن حضرتك مثل الدخيل=متولعٍ في عينك السوداء وسود اهدابها
والله مالومه فيك ماله بالصبر قوه وحيل=قلبي وانا محمد ليا شافك علومه جابها
خليتني من حبكم ياصاحبي مثل الهبيل=واتعبتني وانا خصيم اللي طوال اشنابها
وتقبلوا تحياتي :
شعر / محمد ربيعان الجريشي