وهي قصيده لسلطان الهاجري ورد عيد ابن مربح عليه
قصيدة سلطان
الا يابحر يابحر الخليج اللـي علـى شاطيـكغلاه اغلى من امواجك ولولـوك ومرجانـك
وانا يابحر يوم افـز لامـن مرنـي طاريـكعلى شان الغلا اللي فـطرفك ماهو على شانك
تحياتي وشوقي يامضارب عبس ذيـك وذيـكاسج الرجل يمك والتفت فـي بيـت جيرانـك
رعاك الله يابيـت ٍ ليـا مـن بغيـت أجيـكتوقفـنـي تقالـيـد القبـايـل دون بيبـانـك
ياليتك ليل الاسود كان اسجك بالقدم واسريـكلكنك بيت طين وحاجتي مـن بيـن جدرانـك
حفظت الجوهر الغالي وفي سبة غلاه اغليـكالا ياكثـر حبـي لـك الا يصعـب نسيانـك
عزاي اليا ذكرتك حاضرك ماهو مثل ماضيكذكرت الفيضه الي تجمع الاحبـاب بوزانـك
تعنيني لك الذكرى واجي من ديرتـي ناصيـكابعطر قصيـدي مـن شـذا وردك وريحانـك
رد عيد ابن مربح
الا يابحر يابحر الخليـج بكـل شـي افديـكعساي اول جنودك لاقبس عجـك ودخانـك
ليا باعوك عشاق الهوى باغلى ثمن نشريـكمن رياضك ليا كويتك لبحرينك ليـا عمانـك
ليـا ناديتنـا باسـم العقيـدة يابحـر لبـيـكباسم دوحتك والا باسـم اماراتـك وسكانـك
اسال الله من شر الكوارث والفتـن يحميـكويعز القادة اللي طـوروا وضعـك وبنيانـك
وانا يالعاشق المجنون مالومـك ولا معفيـكولا حرك شجوني غير غطرستك وعنوانـك
ونيابه عن مضارب عبس للتوضيح والتشكيكابقرأ سورة البقرة وابمسك حلـق شيطانـك
وانا لولا مضارب عبس ماارسلت الندا لأذنيكولولا بحر الخليج مجنـب سوقـك ودكانـك
مضارب عبس فيها عبس ماهي لعبة بيديـكلو انت مطالع جيرانها صاحـوك ورعانـك
لو اسير على بيتك واطالع جارتك يرضيك!!حسب سلم القبايل والعقيـدة هـات برهانـك
وتحياتي وتقديري ولا تسـري بـدون بريـكواسالك ياعظيم الملـك توفيقـك وغفرانـك
عيد ابن مربح