بسم الله الرحمن الرحيم
السلام عليكم ورحمة الله وبركاته
المحاورة المباشرة بين الشاعر ابن نملان والشاعر المهم 1
ابن نملان
يا ذيب جر الصوت ياذيب يا ذيب=مدام جيعانن ودارك خليه
وانا ليامن جبت ابا جيب واجيب=مثل الخوي لصار يسمع خويه
المهم
الذيب جر الصوت بعلى المراقيب=ولياعوى ناون على البدو نيه
جب ماتجيب ونجزي الطيب بالطيب=وليلتك هذي ليلتن عالميه
ابن نملان
خلك نظامي وامش في كل ترتيب=ترى عليك اسموع وعيون حيه
موضوعنا هذا سموم ومضاريب=ورجال واقلام ودفاتر نقيه
المهم
انا نضامي وانت ماتعلم الغيب=لو تعلمه تركت عنك الوصيه
اشره على اللي مايعرف المواجيب=لومك على المخطي ولاهو عليه
ابن نملان
انا عشيـر المترفـات الرعابيـب=يشهدلي العقاد وايضى خويه
والاانت تخطي يابن الاجواد وتصيب=حتيش لو تنقل معك بندقيه
المهم
انا عشير مفتلين الاشانيب=ارد ووردها احياض المنيه
وانته صغير ولحيتك كلها شيب=ومن البدايه سجلتلك خطيه
ابن نملان
عندي خبر دايم تخاوي هل الطيب=اللي يقهوونك من الشاذليه
تسري معاهم فوق حرش العراقيب=ليلك طويل وسهلتن جرهديه
المهم
اخاوي اهل الطيب واكرم عن العيب=واقشر خوي راع الذلول الرديه
وماكنت احسبك بول السفره كليب=لكن طلعت كليب ميه بميه
ابن نملان
انته تبي باللعـب دوره وتدريـب=تحتاج دوره باللحون العذيه
وانا مواخذ غلطة اصحيب لصحيب=العب معي وارتاح وغلط عليه
المهم
انا خبير العب ودرس لواعيب=ونته ابيوتك مالها قابليه
لا صار لنمله جناح ومخاليب=تصير ماهي نملتن فارسيه
ابن نملان
احب خشمك بس كب الاكاذيب=خلك صريح بنفس حلوه رضيه
اللي معنا ينظرون الهناديب=عليك مكتوبه هذيك وهذيه
المهم
ماني مفتش فاضيات الدواليب=البربره للعالم البربريه
لو بري راسك عقب ضرب المشاعيب=يجيك حقك يوم عيد الضحيه
ابن نملان
ان صرت في هالوضع سميت ياهديب=تبرك وتبلش بالحلول القويه
الشعر حده مثل حد الحواديب=نيات شعاره ماهي بس نيه
المهم
اقلب المسباح بيدي تقليب=ومامل لكن منه ملت ايديه
الشعر من بينك وبينه عواقيب=انشد ولد عمار ولا حليه
ابن نملان
تقلب المسباح وتطيـب وتخيـب=وتبقى يا سرمادي مع السرمديه
من امس تظربك القني والمصاليب=وتقول في جنبي ولا هي بفيه