يا طير كانك يـوم صديـت صايـد تراي سامح وأنت يا طير مسمـوح
غلاك عنـدي لـو تنكـرت زايـد قربـت وإلا بالغـلا تبعـد الشـوح
اللـي تنكـر باللـيـال الشـدايـد وقت الرخا ما من مصافاه مصلوح
للطيـر طبـع ولـلأوادم عـوايـد وكلٍ على طبعه له البـاب مفتـوح
إمـا غـدا ولا بقـى لـه شرايـد وإلا يجي ما جاه بالـدرب سامـوح
بعض الطيور أنكر ولا مـن بعايـد على الحمامة غيبة الشمس مطروح
ترى الوفا والطيـب والفعـل كايـد ما هي على الفرغة سواليف ومزوح
وأنـا بحيـل الله صـدوق الوعايـد أصبر ولو قلبي معـذب ومجـروح
لـو رأس مـال مدوريـن الفوايـد بقي لهم ما صار ناصح ومنصـوح
وللي بخيصٍ فـي معـان القصايـد لازم يعرف القصة اللـي لهـاروح