الشمس نور الحب ما تشرق غـروب
الله لو تشرق على النـاس باحسـاس
لو للعيون احساس ما شافت عيـوب
ما شوهت وجه الوفا دمعة اليـاس
ولو للقلوب قلوب ماتجـرح قلـوب
ولو للزمان احساس ماحدٍ شكى باس
ياكيف رغبة قلب بدموعه تـذوب
بعد الوصل نحيا على هامش انفـاس
نهدر اماني عمر والوقت محسـوب
نبكي تجافي ناس..تبكي جفا نـاس
نخطي ونخطي والزمن رحلة ذنوب
ونتوب بآخر عمرنـا توبـة افـلاس
مكتوب نعشق .. نعجز نرد مكتوب
نسكن عيون الخوف ونعيش حراس
الحب نور الشمس وشعاعـه دروب
ياما رسم فرحـه ويامـا حنـى راس