ساعه اللي تطالعها مابين الحين والحين
لاتشغلك والهوى نديمنا
والليل توّه
وإلا انت لك راي في هذا المسا اللي يجمع اثنين
ماينشغل باله إلا بالهوى من عاش جوّه
والنار في ليلةٍ شتويّه0 اشواق المحبّين
لو كان جمر الغضا ما ادفاك يابردان ضوّه
الفرصه ( الحلم ) لاتصنع لها ريش وجناحين
ان طارت 0 العمر كلّه بعدك اوحشني خلوّه
اما انها اكثر من العامين وإلا حول عامين
وانا الذي شغله اللي يشغله 0 ليته ولوّه
عفواً 0 نواصل حديث الورد 0 قل لي بس من وين
جمعت هالباقتين ونالت اعجابي بقوّه
اثره هنا غير ماهو مثله اللي في البساتين
في بيتنا مزهريه شكلها عندي تشوّه
الله يهنّيك يالمهدى اليه بحب مهدين
ولا يوفّق عواذيلك قليلين المروّه
ادري من اول رساله وجّهتها العين للعين
ما تشبه البارق اللي ما يبلّ القاع نوّه
لكن وش اللي يوقّف ساعة ايدك عند ثنتين
ان كان عندك لهذي حل قل لي ويش هوّه