ياقلب لا تجزع ولو خاب ظنك
في رفقة اللي بالصعايب يباريك
مهوب مني لا ولاهوب منك
يمكن من اللي لا جفا الوقت يطريك
صكات بقعا بالنوايب يجنّك
ماعاد فيها اقويا او صعاليك
لابد تعرف لو قسى الوقت انك
عبدن ضعيفن في رجى الرب يحميك
والله لو تنخى عبيدك وجنك
مالك موالي غير ربن يجازيك
عدن سنين العمر اظفر بسنك
لا تحسب ان الوقت واقف يحاتيك
.
.
.
.
جيت الرفيق وقلت يافلان جنك
ابيات شعري في ظروفي تناديك
ابيات شعري يارفيقي نخنك
وتقول تكفا طالبك عزتي فيــك
ويقول مالي ومال شعرك وفنك
انا سنيني ياعذابي مشابيك
لدت وسالت دمعتي وقلت عنك
بكل الظروف العاتيه ما اجافيك
فزت وصارت تقترب في تفرنك
قالت حبيبي اقترب ودي احكيك
لو الليالي الماضيه يحرمنك
نومك بتلقى صاحبن مايخليك