صب لي فنجال ودك ولاأبغيه أمحـروق
باهرٍبه دلت الشـوق منّـك فاحتـه
وأثن لي في صبته وأثلثه وأرفق رفـوق
بحال من يشنا أفراقك وقربك راحتـه
والله أن قلبي شفوقٍ مثل قلبك شفـوق
لكن اني خايف قبـل أجـي طواحتـه
و(الشعور)امبيتٍٍ لك ومن مبطي تلـوق
فاهـمٍ لـو كـان مابينـت نظاحتـه
ياجميل أدقّيقـات المثانـي ماتـروق
لنك مع مسراح فكروي ومع رواحته
باب وصلك منك مفتوح ماهوب أمفلوق
كنك بيدك في صبابـة خفـوقي ناحتـه
وجد حالي منك والوجد للمشتاق عوق
ولا مدح سوق المواصل سوى ربّاحتـه
الغلا حياته الوصـل والمـوت العقـوق
والهوى بحـرٍ ماكـلاً يجيـدإسباحتـه
جيّتك يابينها بس زودنـي وثـوق
الله يرحم والدينك عليـك اصلاحتـه
الحقي للي بغى العطف والحس الصدوق
والغلا لك قاطفٍ وردتـه مـن واحتـه
وأقبلي قبل المشاعر يجي فيهـاأخـروق
كل عـودٍ بعـد خضارتـه صوّاحتـه