ياالعنيده وقفي نبض الكلام
وانبضيني احساس في عيونك سكن
ياالعنيده جاذبي فنون الغرام
دام عيني لك ولحدودك وطن
اقسم انك باديه دروب الهيام
عاشقه طيفي ومن قلبك مكن
يعلم الله ان لك فيني احترام
وانه اوتار المحبه لك لحن
في اصول العزف انجزت الوسام
طرفك الهيمان لليل احتضن
بس فيك العند مالك للزمام
سيْرك للصمت ولكلك رهن
ماقول اني مثير الاهتمام
بس صوتك فيه للنظره شجن
بددي غرورك وزيلي هاالزحام
اسمحي للفرح يعبرعن زمن
غاب فيه سنين بجنوح الظلام
غير الاحساس و بلونه دكن
كسري حدود المسافه واللزام
حللي قيود العناد من الرسن
يالعنيده الشوق ماعَنْه اعتصام
يشبه الطوفان لاثار استجن
من يقول الود ينهيه الملام
زايغن فكره وعمره مافطن
لللعتاب شموع تقدي للسلام
وللنفوس اشراق تنهي مابطن