بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر مفسر الاحلام والشاعر الزلزال
مفسر الاحلام
عد ماهل الشهر واعداد مايبـدي هلالـه=ياسلام الله على اهل الدار واللي زايريني
قالو الزلزال شاعر قلت مدري كيف حاله=مانشدت الناس عنه ولاصحيب القريتيني
الزلزال
مرحبا بمفسر الأحلام واللي في مجاله=عد مايبدابها خصمي وتبطش به يميني
كان ودك تعرف تقيس الروا فر المحاله=لا تعذر بالكلام وخلها بينك وبيني
مفسر الاحلام
والنعم ماذمكم تكرم عن دروب الجهاله=والله اسهل على البابور واللي راكبيني
كل تاجر عارف ن وش مكسبه من راس ماله=والنصيفه بيننا واحرص تغيرك السنيني
الزلزال
ماعليكم زود...راع الجود مكرمـةٍ سبالـه=واعتبرني لا حقك بالدرب ياللي تحتريني
انت شفت الراعي اللي عرض الذيب لحلاله=لين قام الذيل يفرس في حلاله شوف عيني
مفسر الاحلام
نعرف حقوق الرجال ونعرف حقوق الزماله=ما تغير نا الليالي فالمواقف ثابتيني
له يمين ن ياوسيع العرف ماسرت شماله=وانت يالزلزال تنظر وانت الك قلب ن فطيني
الزلزال
من يعرف حقوقنـا لله دره طـاب فالـه=وانته اصغر مني مع المجتمع مدري سنيني
الرحول اللي تساق من الرياض اليا صلاله=كل ماتطري علي يذوب حزني في حنيني
مفسر الاحلام
كان ماتدري ترى الياورولد عم الطواله=والطواله مثل بن عمه على مله وديني
المصيبه يازميلي لا اتصال ولا رساله=وانت اشوفك كل ليله في نحور المقبليني
