بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر المعزب والشاعر مفسر الاحلام
المعزب
يامفسر الحلم كانك جيت مع حزبي=الله يعينك على حلومي تفسرها
البارحه والهبوب البارد تهبي=الكبد فيها الضماء والنار تسعرها
مفسر الاحلام
يامعزب الضيف علمنى ولا تخبي=افكارك اللي براسك لاتغيرها
كثر الهواجيس تلعبك وتلعبي=من عالم ن تحترق والعين تنظرها
المعزب
يامفسر الحلم فيها ضايعاً طبـي=وشلون اقوللك ونته منت خابرها
حلماً حلمناه تفسيره على ربي=لاشك عينك دخيلك لا تسهرها
مفسر الاحلام
اهم حاجه حلال الزاد والشربي=والا البقيه عوافي وانت ذاكرها
النار حولك شوي وفيك تشتبي=وين انت ياللي ليا كبرت تصغرها
المعزب
انا على طيب الاخـلاق متربـي=لو هي صغيره تراني ماتحاقرها
ماني منلي حياته في جحر ضبي=انا حذايه على الفرجه مسمرها
مفسر الاحلام
انا ادري انك نهار المعركه حربي=وتقيس اهل المكارم من مخابرها
ترى الضعيف على الديران ينكبي=وعلومك اللي تعبرها نعبرها
المعزب
الياسرى الليل شفت المس والكربي=كلاً جنونه حسب عرفه يحضرها
اما لقيتك مع الفرجه على دربي=والا تركت القصيده وانت شاعرها
مفسر الاحلام
ليا سرى ماتعرف النقص والضربي=تبلش بحسبه تموت ولا انت حاصرها
بالدرب لا من لقيتك راقد ن عبي=عطني علومك من اولها ليا اخرها