السلام عليكم ورحمه الله وبركاته
مساكم الله بالخير والرضااا
بعد التحيه ....
يسعدني أن يكون لي بعضُا من الذكر في هذا الصرح الشامخ
وكما يسعدني ان اضع لي قصيده من بعض قصائدي
وعسى ان تحوز على القليل من رضاكم .
البحر
يا بحر يلي على الدنيـا مـن ايـامٍ (ن) عتيقـه=مرتك كل العصور ولا نقص من مـاك طاقـه
كم واحـد فالخلايـق يـا بحـر بليـت ريقـه=ترتوي منك الخلايق وأنت ما جتـك أستضاقـه
ويا بحر وسطك ضحايا من ضحايـاك الغريقـه=وأنت ما ترحم ليامٍ(ن) شفت فالنـاس الحماقـه
ويا بحر في جوف بطنك عدتّ كنوزٍ(ن) عميقه=مـا يجيهـا مـن يحاتـي فالسباحـه واللياقـه
ما يجيها كود رجلٍ(ن) ما يحاتي فـي طريقـه=فالسباحـه والليـاقـه والذهـانـه واللبـاقـه
ويا بحر مثلي تحب أنك مـع المسـرا رفيقـه=لنـي أقـدر مقامـك مثـل تقديـر الرفـاقـه
ويا بحر لا غصت جوفك ما لحقني منك ضيقـه=لـن قانونـك درستـه درس وثقلـي وثـاقـه
ويا بحر درك ثمين وهمت فـي لمعـت بريقـه=الفرايـد مـن نوادرهـا ولا أحـب الدقـاقـه
وأنت لك نسمه هواها لنعمـس راسـي تفيقـه=ولونك اللي لا نظرتـه تفـرح العيـن بزراقـه
وفي بعض لحيان اجيلك في حمل محدٍ(ن) يطيقه=حمـل مليتـه وعـيـا لا يوريـنـي فـراقـه
حمل همٍ(ن) فالضماير شب في جوفي حريقـه=وأنت موجك يا بحر يطفي لواهيـب انحراقـه
وفي بعض لحيان اوصف لك تواصيفٍ(ن) دقيقه=بالهنوف اللـي معاهـا فتـح قلبـي وانغلاقـه
عينها فيهـا خيـال وصـدق واحـلام وحقيقـه=ورمشها يذبح بـدون سيـوف وسـلاح التّفاقـه
وشوفها يجلي همومٍ(ن) فالمحانـي مستضيقـه=ووصلها مجـرا حيـاه القلـب اذا مالله عاقـه
ويا بحر تدري لو ان افراقهـا يلفـي دقيقـه..؟=بعدها ماموت لكـن ! موتـي استطعـم مذاقـه
ويا بحـر قالولـي ان الهـرج ثرثـاره يعيقـه=وقالو ان الهرج لامنـه قصـر يحـلا رواقـه
ويا بحر جيتك معايه ورد جوري مـن حديقـه=وسطها كرتٍ(ن) مسجل فيه برهـان الصداقـه
وانت ما تقدر ترد الورد مـن نفحـت رحيقـه=لـن قانونـك درستـه درس وثقلـي وثـاقـه
وسلامتكم