[ابو بيان]

السلام عليكم ورحمه الله وبركاته
من لديه معلومه او عنده محاورة الشاعر الذي يعجز التعبير عنه شاعر النظم والمحاوره عيد بن مربح الرشيدي مع الشاعر مستور العصيمي لايبخل علينا فيها الذي منها هذه الابيات ولكن الابيات غير مرتبه

عيد بن مربح

ياسلامي عليكم عد رش السحابه **** ردتن تشمل الزوار والاهليه
ودي اللعب مدام اللعب مفتوح بابه **** ون كان قام العصمي ون كان سد خويه

رد مستور العصيمي

مرحبا عن رجال المعرفه بانيابه **** قلتها ياصفوف اللعب من حسن نيه
لو كسرنا على راس الرشيدي ربابه **** كنا ارتحنا من العود العوج والحنيه

عيد بن مربح

سامعلي خبر من بينكم ياشبابه **** علمن يخلي العدوان تفرح اشويه
صاحب العرف حاسبني وناسن حسابه *** شهد الناس مير الناس ماهي غبيه

ورد مستور والله ماني حافظه

لين قال عيد بن مربح

اعرف الذيب يعدي عديتن ونقلابه *** ماتجرر بوسط الشبك غير الثنيه
من يهيب الملقاء مابقت له مها به **** خوذها معك يالقلب المغفل وصيه

ارجو من لديه المحاوره ان ينزلها في هذا المنتدى الشامخ ولك الف شكر
واشكر عيد بن مربح واقول طول الله عمرك يابو غريب كفيت ووفيت شاعر نظم ومحاوره
وهذه البيت بيت لايستهان به ولى يجب غير شاعر كبير مثلك يابو غريب فكرو معي في هذا البيت وصيه حكمه قوي لله درك يابو غريب وفقك الله

من يهيب الملقاء مابقت له مها به **** خوذها معك يالقلب المغفل وصيه

وتقبلو تحياتي اخوكم ومحبكم ابو بيان

الموضوع الأصلي: عيد بن مربح ومستور العصمي | | الكاتب: ابو بيان | | المصدر: شبكة بني عبس