السلام عليكم ورحمة الله وبركاته:
أضع قصيدتي بين أيديكم متمياً ان تلمس مابداخلكم وتحوز على أعجااااااابكم ويسعدني أن أهديها لكل من يقرأها
[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]البارحه عيا الجفن لايغفي=كن الجفن لمعانق السهد مغصوب
تقبل هواجيسي والأخرى تقفي =تبدأ معي لامالت الشمس بغروب
واليا تنفس صبح يومي وشفي=أقفت وأنا من بين الأفكار منكوب
تلفني كثر الهواجيس لفي=لف الفراق لقلب عاشق لرعبوب
تعاهدوا بالله كف(ن)بكفي=لوعشقهم ذنب(ن)فلا منهم يتوب
وأن المواصل بينهم مايقفي=الا القدر لأنه مسجل ومكتوب
لاياهموم القلب باالله كفي=يكفي بديت أشك في حالتي نوب
هذي ظروف الوقت غصب(ن) على أنفي=عجزت أقاوم كل هم(ن) على صوب
والقلب فيه من الوله مايكفي=حالي براها وأصبح الفكر موصوب
طيف الهنوف اللي على البال يلفي=يذوب منه أحساس قلبي وأنا أذوب
قلبي عليها طول وقتي يهفي=مافيه غيره صار للقلب محبوب
يزفني شوقن لها حيل زفي=شوق(ن) أحسه داخل الدم مسكوب
وعيت حلوم الليل تاقف بصفي=حلمي أشوفه جالس(ن) بس بالروب
ودي أمتع ناظر(ن) منه جفي=وأسقي خفوق(ن) صام عن كل مشروب
وأصبحت واعي جفن عيني محفي=جفت بعيني دمعة الشوق ماتذوب[/poem]
وسلامتـــــــــكم