مساء الخير علي الجميع
الضيقه اللي يوم جتني وفزيت
أصبر على مضرابها وأتلزّا
كم هاجس ٍ في داخل الصدر دزيت
يوم الرخوم بشين حالي تهزّا
أضحك وكن القلب في صاجت الزيت
وكن الهموم بوسط راسي تدزّا
ويضحك بي اللي ما درى ويش وزيت
وسط الضماير من هموم ٍ ترزّا
ماني ليا ضاقت من التتن مزيت
تتن ٍ يورد ما نفع من يمزّا
أنا ليا ضاقت علية تعزيت
وخليتها بأقصى ضلوعي توزّا
أكن هاجوس الزمن لو تجزيت
وكتم الخفايا في زماني معزّا
ماهمني من قال عني تهزيت
مادام دري للمراجل يقزّا
أصبر على ضيم الدهر ما تجزيت
وأموت راسي شامخ ٍ ما يهزّا
والعز لو إني على الفقر لزيت
أخير عندي من غنات ٍ تهزّا