بصراحه شدني الموضوع والي قلتوه على العين والراس وما يختلفون عليه اثنين
من حق كل بنت انها تختار الشخص الي يناسبها سواء كان وسيم او طويل او إلخ
فـ لولا اختلاف الاذواق لبارة السلع
بس من ناحية ان الاغلبيه يفضلون الوسيم لكل فتاه وجهة نظر
بعض البنات يكون من النوع الي يحب ماسك زمام الامور
فيخطر في بالها ان الوسيم حنون وقلبه طيب وراح يلبي طلباتها
وعلى قولتهم يصير خاتم باصبعها وهذا مطلب البعض منهم
ما اخذو في عين الاعتبار ان البنت او الحرمه اذا ما حست
انه في رجل تستند عليه وقت الشده راح تندم على الوقت
الي وافقت فيه على ذلك الرجل هذا من نقطه
ومن ناحية ثانيه انا الي اشوفه والي اسمعه يقول
ان بنات هاليومين صحيح لهم شروط معينه بس هالشروط
مقدور عليها بس والحمد لله الي يهتمون في المظاهر
قليل لان العالم الحين تفتحو شوي صارو يبحثون عن
المضمون وليس على الشكل الظاهر لان اي شخص ممكن
ينخدع في المظهر الخارجي " من برا الله الله ومن جوا يعلم الله "
وفي الاول وفي الاخير من المهم ان الشخص يهتم بنفسه من باب
النظافه فالنظافه من الايمان وكل شخص راح يهتم بنفسه
راح يطلع وسيم اذا ماهو في نظر البنت هذي راح يكون وسيم
في نظر البنت الثانيه والاهتمام بامور المتعلقه بزيادة الجمال
هي امور متعلقه بالمرأه لان المرأه دائماً تهتم بجمالها لانه شي مهم
بالنسبه لها وللزوج ولكن هذا ما يثبت ان الرجل يبحث فقط عن الجمال
الخارجي للمرأه ...
معلومه لكل فتاه صحيح ان الجمال الخارجي شي مهم للرجل
بس الجمال الداخلي اهم بالنسبه للرجل
وفي الاخير اعتذر على الاطاله
واتمنى التوفيق للجميع انشاء الله من شباب و بنات
والله يسعدنا اجمعين في حياتنا الزوجيه و حياتنا الدنيويه وحياة الاخره
ولكم كل التحيه والتقدير
أخـــوي سـعــد..,/ مشكوور على الموضوع الي اكثر من رائع
وتقبل تحيـأتي