[السبع الضاري]

هذي قصيدة ريئس العصابه النازيه

البارحة واللي ورى محجر العين=أبعد عن المنزال من ساحل العاج
عن رأس مشعاب وعن بيار يبرين=سريتها بين اللجالج والأبلاج
عفيت عن وجهة وعفت إتجاهين=والرابعة عين ولقتني لها حجاج
لولا المكارم ما عرفنا الكريمين=ولا=ولولا الجشع بالناس ما شفت محتاج
يا ناصر خنيفر بليا عناوين=خذها على الذرعان من كف دراج
دمجت لك يا عمدة الشعر حزبين=وسويت لك من مدخلٍ ضاق مخراج
لكن وأنا بندر كعام المعادين=لأطبب الشيبان وألقى لها علاج
من إحتلال الدولة لك اربع سنين=واليوم للتحرير مطلب ومنهاج
العجرمي عضدي على العسر واللين=حطيته يميني ولبسته التاج
فتح لكم يا عمدة الشعر بابين=واحد بقى وأغلقت الآخر بمزلاج
وشعار حزبي بالملاقى عنيفين=زباين الهيجاء معلين الأبراج
أخذت صفتهم على حد برلين=وأقبلت للميدان معي أربع أفواج
الحزب نازي وأهل الحزب نازين=وصوابهم من بين الأضلاع نفاج

وهذا رد سبع الخلا سرحان ويعذرني ابو تركي وناصر الشويلعي ،اعطيهم لمحه تاريخيه فقط عن افراد احزابنا الموقره هههههههه(إذا لم توافقوا على الرد لكم الخيار بحذفه او ابقاءه)

ياالله دخيلك من عنا الهم والدين=والحاجة اللي تفتح ابواب الاحراج
وش ولعك بمطارد الخيل ياشين = خلك على حالك مثل مانت..دواج
لاتعترض في درب خيل السلاطين= تاطاك عرو وترمحك عِنّ واسْراج
ما تذكر ايام الرخاء عام الألفين=يومك صغير وخافقك كنه اسراج؟
هاك السنه في معركة حرب تشرين= من حد واره لين تاصل للأفلاج
تطحن رحانا ملحقين المخلين= والطير يشبع واشهب الذيب ماداج
ربّع بحذف الرؤس من ساق ويمين= على طراق البير واغثاه واسواج
في موقع ٍغالي ومن فيه غالين= مقطان ابو عوجه قبل عنه ينعاج
عد ٍ قراح بظل خضر البساتين= عامين ابو تركي على جال هداج
يهزع اغصون الراك بيديه ويلين= والسبع حوله وان بغى يمسكه ماج
وزاحت ظعون البدو والبدو شرهين= يبون نهر ٍ ما على ظفه امواج
وتوسعوا في روض ورد ورياحين=في واحة ٍ مابها لجاجات وازعاج
واليوم يالنازين جيتم ثلاثين=والنار حيه وانتم الخبز و الصاج

وسلامة الجميع

الموضوع الأصلي: الرد على العصابه النازيه | | الكاتب: السبع الضاري | | المصدر: شبكة بني عبس