[الكابتن]

قالوا من إسرائيل غـزّة كَلَـت عيـش=هو فيه عيشٍ ينْوكل مـن إسرائيـل؟!
يا شارح الأمثـال وضّـح وبشويـش=نستوعب الفكـرة وهـات التفاصيـل
أفكارنا فيهـا مـع الوقـت تشويـش=حتى تسـاوى عندنـا العـدل والميـل
تشوف غزّة ؟؟ لا ،، ماشوفها . ليش؟؟=ليش ، الهمم ماتت والأنفس محاميـل
على بعضنا ننْبـش الجـرح تنبيـش=( وحنّا هل الفزعات ، حنّا هل الخيل )
لكن ليا جاء طاري الغرب ؟؟ تطنيـش!=ضربة بلنتي صـح ونقـول تمثيـل!!
تهميش يا سـادات ياعُـرب تهميـش=ماتؤمـن العقـرب ولـو مالهـا ذيـل
وشلون عاد وذيلهـا بـوش وبويـش =واحد يثبت ، واحد يشـوت ، يالييـل
ردد معي مـا أطولـك ياليـل مافيـش =عند العرب غيـر الغنـاء والمواويـل

مجاراتي للقصيده

ياصاحبي كم سلك موجود بالفيش=ركـز قبـل تزعـل قبـل يطفـح الكيـل

ياستاذ لك فطنـه مانـي خابـرك ديـش=خابـرك تفهـم وش بـهـار المعامـيـل

الطيـر حنحانـه ماهـو ريشهـا ريـش=مخـلابـه محـنـا ودربــه تساهـيـل

يالله يالي جيشـك اقـوى مـن الجيـش=انك تورينـا النهايـه تهاليـل

الموضوع الأصلي: مجاراة لقصيدة الشاعر مضيان الرشيدي | | الكاتب: الكابتن | | المصدر: شبكة بني عبس