بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر الكابتن والشاعر بندر عايش
الكابتن
أبقرأ سورة الأحزاب حتى إنفكك الأحزاب=أبعوذ من الشيطان بسم الله وأقراها
وبعدها باخذ الشعار في رحلة بدون أياب=بدون أخصوص أباخذها من أدناها ليا أقصاها
بندر
الا يالقاري اللي قبل ما يسلم يبا الأنشاب=ترى للرقية أداب وشروطٍ ما تعداها
علام الشيخ من عقب الهدايه كن عقله غاب=تركد والعيون اللي تشوف تشوف ماطاها
الكابتن
تدور للسلام وفوق غزه ماطرٍ سكاب=سببها حقد و علومٍ عن الأحزاب تخفاها
أنا خايف نفك الباب وانته ماتشوف الباب=عسى بندر ليا دور لها بالدرب يلقاها
بندر
على متنك ثلاث نجوم واللي فوق رأسك كاب=توجه يم غزه وأمطر بطيارتك عداها
عليك اسدل ستار المسرحيه من طلع له ناب=قبل لا يكتب القصه وقدامك لا تقراها
الكابتن
أبسولف معك مرتاح ويديني وراء أم حجاب=لو تكبر علومك يابن عايش منت وياها
عساك تحقق أحلامك وتطلع ما عليك عتاب=لكن ليلتك هذي طيبه ما ظن تنساها
بندر
مدام إن السوالف جايزتلك عل ليلك طـاب=تحضنها عساها من نصيبك واطلب رضاها
أنا يديني تطول الطيب و انت لطيبها كساب=وكفٍ ما ترد لك النقاء عود لا تنصاها
الكابتن
لا تكبر لقمتك تنشب بزورك خل معك أعصاب=لا تزعل تونا بعض السوالف ما طرقناها
أنا ماقول فيك قصور قلبك صاملٍ ما يهاب=سليط السان لكن النشاما تكرم لحاها
بندر
رفيقي والزعل مرفوع لكن الدروب صعاب=معك لأخر مدى عل الرطايب تجني جناها
أحشمك يالحشيم وما لفاك من الرفيق عتاب=تحملني شوي وخلها تجري بمجراها
الكابتن
من أول مابدينا كنت أحس إنك خوي أشناب=مثل ماقيل بعض الناس نعرفها بمبداها
يابندر لا تزكي وانت ما كمل بيدك نصاب=ترى هذي وصيه وانت مسلم عصب ترضاها
بندر
من اولها عرفت إنك شباب تداعب الشياب=مثل ماقيل والانساب منسوبه لمجناها
دفعت لك الزكاة وعارضك من شانها نهاب=وانا حظي بري من عالمٍ هذي سواياها
الكابتن
مدام انك ترد اللي نقوله في سطور كتاب=عسى ربي يعوض الناس في ناسٍ ترجاها
أنا ودي ما تكسب باالمعارك غير شلفا ذياب=عشان إن ماطعنت بها مع الطرقه تعصاها
بندر
اقيم عملتك بالعسر و اترك شكلها الجذاب=واعرف ان انطلاق الكرش سبة حرمة رباها
انا اللي بالمعارك في يدي سيفٍ لأبو تراب=معي سيف ومعك شلفاء وتعرف ويش جدواها
الكابتن
جناحك ريشه ابيض لا عقاب ولا جناح غراب=وياكثر الطيور اللي تحلق ما اعرف اسماها
انا ما اقولك صادق و لاني قايلن كذاب=مدام السيف معك البندقيه جود خباها
بندر
يا كثر السمن بمرقة الغريب مضيف الأغراب=سمعة اللكنة بطارف كلامك لكن اخفاها
سمعت ان الموحد قدمك في معركة بجراب=و عساك اللي مسكت زمامها وخلفت بأرياها
الكابتن
ألبسها وتعريها وراحت ما عليها ثياب=قضيه والقضيه ماعرفنا كيف دعواها
تسمع للخبر و إذا زعلت أقول حنا أحباب=أبسوق الك فنجال المعاني وتقهواها
بندر
برق برقي على الشرق ونجمك الله بنجمٍ غاب=عسى هالنجمه بشمس الصباح تعين دواها
برق برق الحياء شرق ولا خال البرق غير أعراب=وعسى الاعراب ما خدعت بهالمنجوم واغداها