استشاري الرخامة
هذه القصيدة قد كتبت ليلة البارحة وقد استخرجت شهادة ميلادها من شبكتم العزيزة شبكة بني عبس 0 فارحب باي ناقد او مشيد فلايوجد على الارض كامل
لاعاد تاتيني ولاني باتيك= وابعد مسارك يالنذل عن مساري
لاعاد ترجيني ولاني براجيك=وللشك في عينك وسوم ومواري
ومن بعد ما صارت يمني تسابيك=قامت يميني تستحي من يساري
غلطة حياتي كلها يوم اخاويك=واليوم انا بايع ولاني بشاري
ايام راحت كنت بالعمر فاديك=كنت الخوي والاخ ربعي وجاري
القلب قد علاك ولابد يوطيك=والنور ينور لي ظلام الغداري
رح دور اللي باغي انه يماشيك=رجلي تبا تسري بليا مباري
دامك تكبر بالمهايط علابيك=فاكيد انك في الرخامه استشاري
محدن منعم لك ليا حل طاريك=وان جيت ولا رحت محدن بداري
هذا الهجاء زعزع شيوخ ومماليك=ماكنه الاا قصف جوي وناري
يهدم قصور الذل ويهدم مبانيك=ويقرب اللي وصلها باختياري
وانته ترى فدوة من اعلى مجانيك=لحذوة الي مشيها بالعصاري
تمشي تخطى كن فيها مشابيك=ومن مشيها غارات طيور القماري
هي مهجتي هي فرحتي كنها شيك=جاني مخير دون نقد المصاري
يازين قرب في ضلوعي ابا اويك=احذر تباعد عن عيوني حذاري
من كثر ماحبك ومن كثر ما اغليك=واضع خطابك جنب book البخاري
اخوكم / شرفان ناصر السبيعي
آخر تعديل بواسطة ذيبان الرشيدي ، 08-01-2009 الساعة 05:28 PM.
السبب: تنسيق للقصيدة
|