[مدلهم العايضي]

[POEM="font="Simplified Arabic,4,firebrick,bold,normal" bkcolor="white" bkimage="" border="groove,4,tomato" type=2 line=0 align=center use=ex num="0,black""]عزي لمن حزنه على القلب وقاد =حزن الفراق اللي جروحه عطايب


وحيد عايش بين شامت ونقاد =وزادت عليه من الزمان النوايب


مابين هم وغم وجروح(ن) جداد =ومابين لوعاات الزمن والمصايب


اهمومه اضحت تجتول جمع وافراد =ومن طااري الفرقا غداالقلب ذايب


لو ينتخي بأقرابه اليوم مافاد =النفع غاايب واكثر الناس خايب


واصحابه بوقت المحن صاروا جماد =مافيهم اللي له يفك النشايب


من هو يلومه لو به الهم يزداد =ومن هو يعذل اللي يشووف العجايب


ياصاحبي دنياك مصدر وميراد =فيها الشقى والهم وايضا الغراايب


وفيها القطيعه واضحه بين الاشهاد =شي يهول وجاهلين السبايب


وفيها الردى يقضي على فعل الامجاد =فعل الجميل اصبح بهاالوقت غايب


ياصاحبي عشنا الشقا هو والانكاد =وعشنا زمان اتضيق فيه الرحايب


الله يفرجهاا على كل الاجواد =امين يامحيي ديار(ن) جدايب [/POEM]




تحياااتي

الموضوع الأصلي: عزي لمــــــن!! | | الكاتب: مدلهم العايضي | | المصدر: شبكة بني عبس