[أبو نوح]

بسم الله الرحمن الرحيم

أيها الأخوة الكرام

هذه القصيدة تضامناً مع قضية غزة التي طال بها الأمد تحت قصف الصهاينة

نسأل الله أن تكون نكبة إسرائيل على أيديهم

إنه سميعٌ مجيب

قالوا من إسرائيل غزّة كَلَت عيش=هو فيه عيشٍ ينْوكل من إسرائيل؟!
يا شارح الأمثال وضّح وبشويش=نستوعب الفكرة وهات التفاصيل
أفكارنا فيها مع الوقت تشويش=حتى تساوى عندنا العدل والميل
تشوف غزّة ؟؟ لا ،، ماشوفها . ليش؟؟=ليش ، الهمم ماتت والأنفس محاميل
على بعضنا ننْبش الجرح تنبيش=( وحنّا هل الفزعات ، حنّا هل الخيل )
لكن ليا جاء طاري الغرب ؟؟ تطنيش!=ضربة بلنتي صح ونقول تمثيل!!
تهميش يا سادات ياعُرب تهميش=ماتؤمن العقرب ولو مالها ذيل
وشلون عاد وذيلها بوش وبويش=واحد يثبت ، واحد يشوت ، يالييل
ردد معي ما أطولك ياليل مافيش=عند العرب غير الغناء والمواويل

أبو نوح

مضيان عواد الرشيدي

الموضوع الأصلي: ضربة بلنتي لصالح غزّة | | الكاتب: أبو نوح | | المصدر: شبكة بني عبس